AKU njofton se trupat inspektuese të Autoritetit Kombëtar të Ushqimit kanë kryer sot 575 inspektime dhe monitorime në garantim të sigurisë ushqimore dhe në kuadër të Taskforcës kundër përhapjes së COVID-19.
AKU bën me dije se, krahas inspektimeve po këshillohen subjektet ushqimore që të zbatojnë rigorozisht të gjithë protokollin e sigurisë, kushtet higjieno-sanitare, përdorimin e maskave, si dhe mbajtjen e distancimit fizik.
Gjatë inspektimeve është marrë një masë administrative në një subjekt për produkte ushqimore me etiketim të parregullt, si edhe është bërë bllokimi i tyre në sasinë e 55,87 kg.
Gjithashtu është bërë asgjësimi i 38 kg produkte ushqimore me kërkesë të vetë subjektit.
Referuar Planit të Marrjes të Mostrave janë marrë 52 mostra kryesisht për monitorim qumështi, mostra të miellit dhe grurit për analizim të parametrave fiziko-kimikë.
AKU vijon punën në terren në mbrojtje të shëndetit të konsumatorëve.
