Një ngjarje e rëndë ka tronditur së fundmi Britaninë, ku nga një sulm mbetën të vrarë 3 persona.
Mediat britanike raportojnë se autori i dyshuar i sulmit është person i njohur për MI5, autoritetet e sigurisë së Britanisë së Madhe.
Khairi Saadallah, 25 vjeç, u arrestua në vendngjarje të shtunën në mbrëmje, ndërsa policia thotë se nuk ka version tjetër pse u krye masakra, përpos qëllimeve të terrorit.
Burimet i thanë BBC-së se ai është me origjinë nga Libia dhe erdhi në vëmendjen e MI5 në vitin 2019.
Një prej viktimave është mësues dhe quhet James Furlong, i konsideruar nga të tjerët si “mjaft i talentuar dhe frymëzues”.
Kryeministri britanik Boris Johnson tha se ishte i mërzitur nga sulmi, duke shtuar se do të shikojë mundësinë për të ndryshuar legjislacionin për elementët e terrorit.
Ndërkaq, kreu i policisë kundër terrorizmit Neil Basu tha se Saadallah ka qenë element i njohur për MI5. Basu u shpreh se ndjen keqardhje, duke ngushëlluar të afërmit e viktimave.
