Interi luan mbrëmjen e sotme në orën 21:45, kundër Sampdorias në “Giuseppe Meazza”.
Kjo sfidë është e vlefshme për javën e 25-të në Serie A dhe do të jetë ndeshja e parë për të dyja skuadrat, që prej pezullimit të kampionatit për shkak të pandemisë së coronavirusit.
Interi renditet në vendin e tretë, tashmë me një diferencë relativisht të madhe prapa dyshes kryesuese të Juventus e Lazio, përkatësisht 9-të pikë mbrapa bardhezinjve dhe 8 pikë pas Lazios.
Për këtë sfidë, zikaltërit kanë humbur shërbimet e Stefano Sensit dhe Marcelo Brozovic, kështu që krahas Nicolo Barellas në mesfushë pritet ti bashkohet Gagliardini apo Valero.
Mesfusha do të jetë në shërbim të treshes së avancuar të përbërë nga Christian Eriksen, Romelu Lukaku dhe Lautaro Martinez.
Nga ana tjetër në mungesë të Quagliarella i cili është i dëmtuar, sulmin e Samnpdorias pritet ta udhëheqë Gaston Ramirez dhe Manolo Gabbiadini.
Formacionet e mundshme:
Inter: Handanovic; Skriniar, De Vrij, Bastoni; Candreva, Barella, Gagliardini, Young; Eriksen; Lukaku, Lautaro
Sampdoria: Audero; Bereszynski, Tonelli, Yoshida; Depaoli, Ekdal, Linetty, Jankto, Murru; Ramirez, Gabbiadini
