Tre të vdekur dhe dy të plagosur është bilanci i një sulmi me thikë në Britaninë e Madhe.
Ngjarje e rëndë ka ndodhur në një park në qytetin e Reading dhe sipas policia kjo ngjarje nuk ka lidhje me terrorizmin.
Sipas dëshmitarëve, autori 25 vjeçar i vënë në pranga, nisi të sulmonte me thikë persona të ndryshëm në park në orët e pasdites duke i zgjedhur ata rastësisht dhe pa asnjë motiv.
Policia bën me dije se nuk po kërkon për persona të tjerë.
“Nuk ka të dhëna se ka ende rrezik për publikun, megjithatë iu bëjmë thirrje banorëve të tregohen vigjilentë dhe për çdo gjë të dyshimtë të lajmërojnë policinë. Incidenti nuk po hetohet momentalisht si terrorizëm, megjithatë kjo pistë mbetet e hapur”, u shpreh për mediat zyrtari i lartë i policisë Ian Hunter. Burimet nga sektori i sigurisë, kanë thënë për BBC se personi i arrestuar besohet se është nga Libia.
