Pas Stefano Sensit dhe Matias Vecinos, Interi do të duhet të bëjë edhe pa mesfushorin, Marcelo Brozovic.
Ashtu siç raporton “Sky Sport Italia” mesfushori kroat ka pësuar një dëmtim muskular dhe mund të qëndrojë larg fushave deri në 10 ditë.
“Marcelo Brozovic do ti nënshtrohet testeve mjekësore sot pasi lojtari ndjeu një shqetësim muskular gjatë stërvitjes së djeshme” – thuhet në deklaratën e Interit.
Ky është një lajm shumë i keq për Antonio Conten pasi i duhet t’i bëjë llogaritë mirë për takimin e nesërm kundër Sampdorias.
