Tirana ka triumfuar në klasiken e futbollit shqiptar kundër Vllaznisë me rezultatin 3-0.
Bardheblutë kanë reaguar kështu bindshëm ndaj humbjes në Durrës kundër Teutës, duke treguar se e meritojnë plotësisht të shpallen kampion.
Tirana e mbylli pjesën e parë në avantazh të dyfishtë me golat e Torassas dhe Michael Ngoo përkatësisht në minutat e 30’ dhe 36’. Pasi pritej vërshëllima për përfundimin e 45 minutave të para, mbrojtësi i Tiranës, Erion Hoxhallari, ndëshkohet me të kuq duke lënë skuadrën me 10-të lojtarë.
Gjithsesi kjo nuk ndikoi në performancën e kryeqytetasve, pasi në pjesën e dytë ata shënuan edhe golin e knockoutit me anë të Elton Cales në minutën e 63-të.
Me këtë triumf, Tirana ngjitet në kuotën e 62 pikëve, 9-të pikë më shumë se Kukësi i vendit të dytë por që verilindorët kanë një ndeshje më pak, atë në transfertën e Laçit e cila zhvillohet ditën e nesërme.
