Fauci: Masat e reja kufizuese, jo më të nevojshme

Masat e reja kufizuese nuk do të jenë më të nevojshme në SHBA, pavarësisht rritjes së rasteve me koronavirus në disa shtete amerikane, theksoi sot eksperti për sëmundjet infektive Anthony Fauci.

“Nuk mendoj se do të flasim për një rikthim të kufizimit”, theksoi shefi i imunologjisë i Shtëpisë së Bardhë.

“Unë mendoj se diskutimet do të konsistojnë në përpjekjen për të kontrolluar më mirë rajonet e vendit të cilat duket se kanë një rritje të numrit të rasteve”, shtoi ai.

LEXO EDHE  Skocia ka vendosur të heqë masat anti-Covid-19

Fytyra e këtij shtatëdhjetë vjeçari me syze është shumë familjare për shumë amerikanë. Ai qëndroi përkrah presidentit amerikan, Donald Trump gjatë konferencave të tij të përditshme për shtyp mbi pandeminë COVID-19.

Fauci theksoi vlerën e një qasjeje shumë lokale në secilën fazë të kthimit në normalitet në vend, përfshirë dhe çështjen thelbësore të rihapjes së shkollave.