Kryetari i PD, Lulzim Basha deklaroi se papunësia në vend po rritet, bizneset po mbyllen, ndërsa qeveria vazhdon më propagandë.
Në një postim në FB pas takimit me banorë të Unazës së Re, Basha shprehet se shumë nga bizneset ende nuk kanë marrë pagën e luftës.
“Në Tiranë e kudo në Shqipëri situata po rëndohet çdo ditë e më shumë. Papunësia po rritet, bizneset po mbyllen e ndërsa qeveria duhet të ndërmarrë hapa të menjëhershme për t’u ardhur në ndihmë, ajo vijon me propagandën e ngopjes me lugën bosh. Shumë prej biznesve, edhe pse u ka ardhur njoftimi se kanë përfituar pagën e dëmshpërblimit për muajt e karantinës, nuk e kanë marrë atë akoma.”
Basha premtoi se me ardhjen në pushtet të Partisë Demokratike “do të bëjmë gjithçka për çlirimin dhe ringritjen e ekonomisë, për punësimin dhe mirëqenien e çdo shqiptari.”
