“Është e nevojshme plotësimi i 15 pikave, pasi rrezikohet kthim pas.” Kështu u shpreh Presidenti i Republikës Ilir Meta lidhur me amendamentin e miratuar mbrëmjen e djeshme nga Parlamenti Europian me 15 kushtet për qeverinë Rama para nisjes së negociatave.
Sipas tij, kjo duhet të nisë me kushtin e parë atë të garantimit të zgjedhjeve të lira dhe të ndershme
“Mendoj se kjo është një çështje e vjetër, në kuptimin e faktit se kushtet janë aty prej vitesh. Duke nisur me krye kushtin e parë dhe të pakalueshëm, zgjedhjet e lira dhe të ndershme. U bë 4 vite që përsëritet në mënyrë të vazhdueshme dhe nga Bundestagu gjerman çështja e zgjedhjeve. Duke nisur nga hetimi i zgjedhjeve lokale në Shijak e Dibër. Kushtet kanë qenë aty, janë këtu dhe duhet urgjentisht të përmbushen në mënyrë që vendi të ketë mundësi reale në një të ardhme të shpejtë që të hedh hapa para. Përndryshe me metodologjinë e re të BE, rrezikojmë të kthehemi pas në drejtim të procesit të integrimit europian që do të ishte dënim i pamerituar për popullin shqiptar.”, tha Meta.
