Chelsea ka nënshkruar me sulmuesin e Leipzig, Timo Werner, për 50 milionë euro.
Werner, 23-vjeç, ka firmosur një kontratë afatgjatë ku parashikohet që të qëndrojë në “Stamford Bridge” të paktën deri në verën e vitit 2025. Sulmuesi gjerman bëhet kështu blerja e dytë e “Bluve” për këtë verë pas talentit të Ajax, Hakim Ziyech.
Duke folur për kanalin e klubit të Chelsea, Werner u shpreh mjaft i lumtur dhe krenar që i bashkohet skuadrës duke thënë: “Jam shumë i kënaqur që po firmos me Chelsean, për mua është një moment krenarie pasi po bashkohem me një klub të madh. Sigurisht dua të falënderoj Leipzig, klubin dhe fansat atje pasi kaluam 4 vite fantastike”. – është shprehur Werner.
Për Leipzig, Werner, ka luajtur 157 ndeshje, ndërsa ka shënuar 93 gola dhe ka dhënë 40 asiste për shokët e skuadrës.
To everyone at @ChelseaFC :
I’m incredibly happy to be joining the Blues next season! It feels like the right step for me and I am delighted to become a part of Chelsea FC. Really looking forward to playing for such a fantastic and historic club!
See you soon Chelsea fans! 👋 pic.twitter.com/WLcagJCHWt— Timo Werner (@TimoWerner) June 18, 2020
