Amir Abrashi ka rinovuar kontratën me klubin e Freiburg. Të dyja palët kanë rënë dakord për zgjatjen e kontratës, me klubin gjerman që është tepër e kënaqur me performancën e shqiptarit.
I ardhur te Freiburg në verën e 2015-ës nga zviceranët e Grasshopers, Abrashi ka luajtur më tepër se 90 takime me këtë klub, ndërsa drejtuesit e vlerësojë shumë shqiptarin për shpirtin e tij luftarak dhe gatishmërinë që tregon vazhdimisht.
“Amir Abrashi thjesht përshtatet në mënyrë perfekte te Freiburg. Energjia që ai tregon në fushë dhe jashtë saj, është shumë e rëndësishme për ekipin tonë dhe strukturat e tij. Ne jemi shumë të kënaqur që ai ka këto cilësi dhe vijon të na i vërë në dispozicion”, deklaroi Drejtori Sportiv i Freiburgut, Klemens Hartenbach.
Detajet e rinovimit si afati I zgjatjes së marrëveshjes apo paga e 30 vjeçarit nuk janë të bërë publike.
