VIDEO/ Pamjet e arrestimit – I ndaluari për atentatin ndaj Billës, nipi i Prel Markut (EMRI)

I ndaluari për atentatin ndaj Hekuran Billës, mbrëmjen e 11 qershorit në zonën e Komunës së Parisit në Tiranë është nipi i Prel Markut. Ky i fundit u vra nga Hekuran Billa në vitin 2006 në Angli.

Sebi Mali akuzohet për veprat penale ‘Vrasja për gjakmarrje’, e kryer në bashkëpunim dhe ‘Armëmbajtja pa leje’.

“Nga Sektori i Krimeve të Rënda ndaj Jetës dhe Pronës dhe Sektori i Forcës Operacionale dhe Kërkimit në DVP Tiranë, nën drejtimin e Prokurorisë së Rrethit Gjyqësor Tiranë, u bë i mundur ndalimi i shtetasit Sebi Mali, 22 vjeç, banues në Tiranë. Ndalimi i këtij shtetasi u bë pasi, në datën 11.06.2020, rreth orës 21:50, në rrugën ‘Prokop Mima’ Tiranë, ka bashkëpunuar në vrasjen me armë zjarri të shtetasit Hekuran Billa. Shtetasi Sebi Mali është nipi i shtetasit Prel Marku, i cili është vrarë në vitin 2006, në Angli, nga shtetasi Hekuran Billa”, njoftoi Policia.

LEXO EDHE  Koronavirusi në Itali/ 15 viktima në 24 orët e fundit, Bergamo në 'paqe'

“Në cilësinë e provës materiale janë sekuestruar 3 automjete dhe një sërë provash të tjera materiale, me të cilat dokumentohet implikimi i këtij shtetasi në këtë ngjarje. Ndërkohë, vazhdon puna për identifikimin dhe kapjen e autorëve të tjerë të mundshëm të përfshirë në këtë ngjarje’”, shtuan të njëjtat burime.

Burime bënë me dije se, ka dyshime që i arrestuari e ka ndjekur viktimën dhe ka lajmëruar atentatorët për vendndodhjen e Billës.

Më herët, policia ka shpallur në kërkim të vëllain e Prel Markut, Viktor Marku, i cili dyshohet se ka qenë ai që ka qëlluar Billën me breshëri plumbash.