Kryetarja e LSI, Monika Kryemadhi e ftuar në ‘Opinion’ ka folur për situatën aktuale politike në vend dhe për gjedhjet e ardhshme.
E pyetur nga moderatori i emisionit se a do të shkojë opozita e bashkuar në zgjedhje, përgjigja e kryemdhit ishte: ‘Po patjetër’.
Kryemadhi tha se të gjitha partitë opozitare kanë nënshkruar një marrëveshje për të garuar sëbashku.
Pjesë nga intervista:
Fevizu: Znj. Kryemadhi, opozita do të shkojë e bashkuar në zgjedhje?
Kryemadhi: Patjetër. Të gjithë shqiptarët duhet ta dinë se ka një marrëveshje të nënshkruar më 23 prill nga të gjitha partitë e opozitës së bashkuar që kanë marrë angazhimin për të marrë pjesë në zgjedhje si front i bashkuar opozitar.
Fevziu: Do shkojnë si koalicion? Sepse Rama sot tha që nuk i preferon koalicionet. Në qoftë se votohet jo me koalicione, si do veproni? Do shkoni me një listë?
Kryemadhi: Z. Fevziu ne nuk ndajmë të gjithë të njëjtat dëshira sepse edhe për standardin e jetës dhe për stilin e jetës që kemi zgjedhur, nuk i kemi të njëjta. Kështu që, ne nuk mund të kemi gjëra të përbashkëta. Nëse z. Rama nuk i pëlqen koalicioni, të tjerët mund t’i pëlqejnë koalicionet. Edhe z. Rama nuk është se nuk i pëlqen koalicioni, por nuk i shkon njeri për të bërë koalicion dhe ndaj e thotë që nuk i pëlqen koalicionet.
Fevziu: Pra, LSI do të shkojë në zgjedhje në një koalicion të madh?
Kryemadhi: Po, patjetër me një koalicion të madh.
Fevziu: A do t’i hapeni dhe partive të tjera që do duan t’i bashkohen kësaj opozite?
Kryemadhi: Patjetër që do të hapemi.
Fevziu: Me çfarë kriteresh?
Kryemadhi: Me kritere shumë të thjeshta që kanë të bëjnë me procesin zgjedhor për t’u ofruar shqiptarëve një parlament legjitim, pra t’u ofrojmë shqiptarëve nëpërmjet referendumeve vendosjen e sistemit që ata duan.
