Javën e fundit ka pasur një rritje të ndjeshme të numrit të të infektuarëve me COVID-19 në vendin tonë dhe Qeveria ka bërë fajtor për këtë situatë qytetarët për moszbatim të masave kufizuese edhe pse një pjesë e mirë e të infektuarëve janë bluza të bardha të QSUT-së dhe pacientë prej këtij spitali.
Por Partia Demokratike deklaron se përgjegjësi e vetëm për këtë dështim janë Edi Rama dhe bedelët e tij.
Ish-deputetja Grida Duma ka postuar një video në rrjetet sociale ku shfaqen pamje të grumbullime nga inagurime të parkut rinia, mos respektimi i distancimeve sociale në posta dhe shkolla, apo edhe sulmi ndaj Teatrit Kombëtar apo aksionet e IKMT në këtë kohë pandemie, apo edhe një rast ku burri i drejtoreshës së AZHBR-së organizon festa private.
“Shikoni dalldinë e fjalëve dhe masakrën e veprave të Ramës! Shikoni se kush po përhap virusin dhe për çfarë interesash!” shkruan Duma krahas videos.
https://www.facebook.com/grida.duma/videos/2712145432355020/
