“Plotëso kërkesat!”/ Shoqata e Transportit Publik sërish në protestë, përplasen me policinë

Shoqata e Transportit Publik ka dalë sërish ditën e sotme në protestë, përpara godinës së ministrisë së Infrastrukturës dhe më pas te ajo e Financave, pasi ende nuk ka një datë për rifillimin e aktivitetit të tyre dhe prej muajsh janë të papunë.

Ata kërkojnë ndihmë nga shteti pasi kanë më shumë se tre muaj pa punë për shkak të pandemisë COVID-19. “Duam punë, duam bukë” është thirrja e tyre ndërkohë që mbajnë dhe pankarta në duar.

Shoqata e Transportit Publik i ka bërë disa kërkesa qeverisë dhe paralajmërojnë se nuk do të rinisin punën pa iu plotësuar.

“Transporti publik është rrezik por më rrezik se fasonët dhe call-centerat nuk është. Ato nuk janë mbyllur fare dhe kanë qenë burim infeksioni. Ka shumë punëtorë që duan të shkojnë në punë, u janë bërë këmbët copë. Janë mbi 10 mijë punëtorë të transportit urban dhe interurban që kanë mbetur pa punë, me 400 mijë lekë nuk bëjnë dot asgjë. Duke u shtyrë më shumë nuk mbajmë dot familjet me bukë” tha një përfaqësues i tyre. Të pranohet akciza e naftës për transportin, të subvencionohet ai 30%, të bëhet një paketë e dytë 400 mijë lekësh për transportin, është muaji i katërt si do të jetojmë ne? Ata nuk po japin zgjidhje e shtyjnë me javë. Në çdo vend të botës transporti publik është hapur. Nëse qeveria do të zbatohet protokolli, qeveria duhet të mbështesë me ndihmë financiare.Të hapet puna. Do të dalim përditë në protestë derisa të plotësohen kërkesat tona. Do të bëjmë dhe grevë për të drejtat tona, jo partitë” shprehen protestuesit për mediat.

LEXO EDHE  Ironia e Palokës: Berisha "përzuri" Bashën nga Kuvendi, Lulin mbrojti Taulanti

Ndërkohë që ka patur dhe përplasje me policinë të cilët kanë filluar t’i shpërndajnë, pasi ditën e djeshme kryeministri Edi Rama paralajmëroi se nuk do të lejohen në asnjë mënyrë grumbullimet për shkak të virusit COVID-19.