Janë mbyllur sfidat e Bundesligës gjermane, ku rezultatet surprizë nuk munguan. Leipzig po fitonte me rezultatin 2-0 deri në tre minutat e fundit përballë Dusseldorf, por miqtë në limite, shënuan dy herë për të marrë një pikë.
Dortmund duket se ka marrë që tani “pushimet”, pasi verdhezinjtë u mposhtën nga Mainz me rezultatin 0-2 në “Signal Iduna Park”. Një “shuplakë” për djemtë e Favre, që nuk arritën të shënonin të paktën një gol.
Schalke është në krizë, duke pësuar humbjen e radhës. Eintracht Frankfurt i mposhti me rezultatin 2-1 “Mbretërorët Blu”. Leverkusen bëri detyrën ndaj Koln, duke fituar 3-1, ndërsa Hoffenheim, mposhti 1-3 ekipin e Ausburg.
