Qarkullonte me pistoletë me vete, prangoset 24-vjeçari

Një 24 -vjeçar është arrestuar nga policia e Tiranës pasi është kapur me armë zjarri pa lejë. Pas hekurave ka përfunduar shtetasi Nj. K., banues në Tiranë.

“Në rrugën “Todi Shkurti”, gjatë orëve të mbrëmjes së djeshme, gjatë kontrollit fizik, shtetasit Nj. K. i janë gjetur një armë zjarri pistoletë dhe një krehër me 6 fishekë, të cilët u sekuestruan në cilësinë e provës materiale.” thuhet në njoftimin e policisë.

LEXO EDHE  Tenton ti vërë flakën banesës së ish-dashurës, arrestohet i riu në Tiranë

Materialet procedurale iu dërguan Prokurorisë pranë Gjykatës së Shkallës së Parë të Rrethit Gjyqësor Tiranë, për veprën penale “Armëmbajtja pa leje”, për të cilën parashikohet dënimi deri në 7 vjet burgim.