Pragsfida Napolit-Juventus, Sarri shpreson të rikuperojë në kohë yllin e mesfushës

Juventusi luan mbrëmjen e nesërme finale e Kupës së Italisë kundër Napolit në stadiumin “Olimpico” të Romës.

Për këtë sfidë, trajneri Maurizio Sarri, ka marrë lajmin më të mire: Aaron Ramsey mund të rikuperohet në kohë.

Uellsiani është kthyer në stërvitje dhe mund të jetë gati ta nisë nga stoli sfidën përballë Napolit (të grumbullohet), teksa vështirë duket rikuperimi në kohë për Giorgio Chiellini dhe Gonzalo Higuain, që vazhdojnë të mos stërviten me grupin.

LEXO EDHE  Renditja e Superiores/ Partizani “merr frymë”, Teuta në pikiatë. Ja klasifikimi i plotë

Gjithsesi, sipas Gazzetta dello Sport, deri në fund, Sarri do të jetë ai që, pasi të flasë edhe me stafin mjekësor, të vendosë për ish-lojtarin e Arsenalit. Ramsey numëron 24 takime në të gjithë kompeticionet në këtë sezon me fanellën e bardhezinjve, duke shënuar edhe katër gola.