Gjykata e Durrësit ka caktuar sot masën e sigurisë “arrest me burg” për Andon Thanasi, shoferin 56-vjeçar që drejtonte kamionin, poshtë të cilit u gjetën 498.850 mijë € të padeklaruara.
Mbi 56-vjeçarin rëndojnë akuzat për veprat penale “Pastrimi i produkteve të veprës penale ose veprimtarisë kriminale” dhe “Mosdeklarimi në kufi i të hollave dhe i sendeve me vlerë”.
Njësoj si në dëshminë paraprake, edhe gjatë seancës së sotme Andon Thanasi ka mohuar se ka patur dijeni mbi shumën e lekëve që ndodheshin në kamionin që ai drejtonte.
Kamioni tip “Renault” me targe TR 2046 U i përket një firme fasonesh që sjell në vend materiale për këpucë femrash.
Sasia e parave, siç deklaroi policia u gjet në urën lidhëse të kamionit dhe rimorkios, e ndarë në pako.
