Bayern Munich është shpallur kampion i Bundesligës për sezonin 2019-2020.
Bavarezët arritën të siguronin matematikisht titullin falë fitores 0-1 në transfertë kundër Werder Bremen. Një fitore që i dha titullin duke shuar përfundimisht edhe shpresat e Borussia Dortmund, të cilët tashmë gjenden 10 pikë prapa me tre ndeshje për të luajtur.
Golin e fitores ndaj Werder e shënoi Robert Lewandowski në minutën e 43-të duke vulosur gjithçka.
Ky është titulli i 8-të radhazi dhe i 30-ti në historinë e Bayern Munich, duke dominuar plotësisht futbollin gjerman.
