Pas Lefter Kokës, nismës së “opozitës së re” për listat e hapura të deputetëve dhe ndalimin e koalicioneve parazgjedhore, i është bashkuar edhe deputetet Reme Lala dhe Elena Xhina. Ato morën mandatin nga PDIU, por iu bashkuan grupit parlamentar socialist.
Në këtë mënyrë duket se pas tërheqjes së deputetëve Artur Roshi dhe Besnik Troplini nga nisma e “opozitës së re”, duket se ata janë zëvendësuar menjëherë nga tre deputetë të mazhorancës, ose të afërm, me të. Në këto kushte kërkesa për ndryshime në Kodin Zgjedhor dhe në Kushtetutë, lidhur me ndalimin e koalicioneve parazgjedhore, është firmosur nga 30 deputetë.
Pro nismës së deputetë të njohur si “opozita e re” është shprehur edhe Adnor Shameti i PS-së, i cili dy ditë më parë tha se listat e hapura s´duhet të jenë tabu për socialistët duke shtuar se kjo duhej të shoqërohej me ndalimin e koalicioneve parazgjedhore.
