Ministria e Arsimit ka publikuar përgjigjet e testit të Gjuhës Shqipe dhe Letërsisë, për të cili maturantët kanë nisur protestat, me argumentin se pyetjet ishin pa një kuptim logjik dhe jashtë programit.
Në testin me 60 pyetje me alternativë, është zbuluar edhe përgjigja e saktë pyetjes se çfarë bëri Turi, i cili është kthyer në një personazh memesh dhe humori në rrjet.
Pyetja-Barka filloi të rrëshqiste me shpejtësi përgjatë lumit të rrëmbyer, ndërsa katër njerëzit që ndodheshin në të bërtisnin nga euforia. Zemrat e tyre rrihnin fort, ndërsa manovronin me shkathtësi lopatat përmes ujërave të trazuara. Madje edhe Turi, i cili fillimisht ishte ndier i shqetësuar në lidhje me udhëtimin me barkën, e harroi frikën kur valët e akullta përplaseshin mbi të. Papritur ai vështroi skajet e mprehta të një shkëmbi të dhëmbëzuar që iu shfaq përpara.
Cila nga fjalitë e mëposhtme mund të vijojë në të njëjtin stil aksionin e nisur në paragrafin e dhënë më sipër?
Përgjigja e saktë që duhet të rrethohej nga maturantët sipas hartuesve të testit ishte: Turi u hodh në të djathtë, për të shmangur shkëmbin dhe gati e përmbysi varkën.
Përgjigjet e sakta të testit që i ka publikuar Ministria e Arsimit, mund t’i shikoni duke klikuar KETU
