“Pushtoi” fushën për të takuar Messin, tifozi rrezikon ndëshkim të rëndë

Gjatë ndeshjes së mbrëmjes së djeshme mes Mallorcës dhe Barcelonës, në minutën e 53-të e ndeshjes, një djalosh me fanellën numër 10 të Leo Messit me Argjentinën i befasoi të gjithë.

Ai u fut në fushë dhe përfitoi të bënte një selfie me Jordi Alban. Më pas u nis drejt Messit, idhullit të tij.

Por ky veprim i fansit mund t’i kushtojë shumë atij, pasi La Liga ka reaguar me një deklaratë, ku thuhet se ndaj personit në fjalë do të ngrihen akuza, duke e konsideruar veprimin si kriminal.

LEXO EDHE  Renditja e Superiores/ Partizani “merr frymë”, Teuta në pikiatë. Ja klasifikimi i plotë

“La Liga do të hapë proceset e duhura ligjore për këtë rast, duke e konsideruar pushtimin e fushës si një veprim kriminal.”

“La Liga gjithashtu dënon me vendosmëri këtë lloj sjellje, e cila vendos jetët e të tjerëve në rrezik dhe integritetin e ligës sonë.”