Akademiku Artan Fuga ka reaguar sërisht në rrjetet sociale lidhur me tezën e Gjuhës Shqipe dhe Letërsisë në provimet e maturës, që ka shkaktuar reagimet e maturantëve.
Fuga shkruan se përtej hilaritetit me të cilin meriton të trajtohet Turi, unë po them që nëse ajo pyetje merret në konsideratë në pikët ndaj përgjigjeve, atëhere, seriozisht, do të bëj një analizë tërësore sesi ajo pyetje tregon nivelin e test-bërësve dhe të gjithë shkollës shqiptare që është zhytur në dogmatizëm!
“Uroj që ajo tezë të mos i shkojnë budallillikut deri në fund sikurse thotë QSHA që dashka të implikojë edhe mësuesit më të mirë të gjimnazeve për të mbrojtur mjerimin kulturor të tezë-bërësve!
Gabime bëjmë të gjithë, t’u kërkojnë falje maturantëve dhe t’u bëhet mësim!”, shkruan Fuga.
Postimi nga Artan Fuga
Pyetja për Turin, dhe jo vetëm ajo, është një absurditet dhe gomarllik!
Por përtej kësaj, përtej hilaritetit me të cilin meriton të trajtohet Turi, unë po them që nëse ajo pyetje merret në konsideratë në pikët ndaj përgjigjeve, atëhere, seriozisht, do të bëj një analizë tërësore sesi ajo pyetje tregon nivelin e test-bërësve dhe të gjithë shkollës shqiptare që është zhytur në dogmatizëm!
Do të merrem pastaj seriozisht me injorancën e formuluesve lidhur me :
fenomenologjinë e rrëfimit,
kuptimin e “arbitrit të lirë”,
simbolikën e logjikës të aksionit njerzor,
kombinatorikën e logjikave diskursive,
linearitetin dhe mosvazhdimësinë stilistike,
koherencën dhe diversitetin e teknikave të rrëfimit dhe të aksionit,
metodat komprehensive të veprimit të tjetrit,
me intersubjektivitetin e egove fenomenologjike.
Une uroj që ajo tezë të mos i shkojnë budallillikut deri në fund sikurse thotë QSHA që dashka të implikojë edhe mësuesit më të mirë të gjimnazeve për të mbrojtur mjerimin kulturor të tezë-bërësve!
Gabime bëjmë të gjithë, t’u kërkojnë falje maturantëve dhe t’u bëhet mësim!
