Ish-deputeti Luçiano Boçi ka reaguar lidhur me protestën e banorëve të Labinotit, të cilët akuzojnë kompaninë “Rozafa-Fish City” se po ndot lumin Shkumbin, vetëm 2 km larg pompave thithëse të ujësjellësit Elbasan. Gjithashtu banorët akuzojnë kompaninë se po grabit prona publike e private.
“Banorët janë pro biznesit, punësimit e zhvillimit të zonës, por kur këto bëhen ndershmërisht dhe në bashkëpunim me komunitetin. Askush nuk mund të shfrytëzojë “nderet” e as “punësimin”, për t’i hedhur banorët kundër njëri-tjetrit.
Sharjet e shtyra me zor, nuk lajnë dot ndotjen skandaloze që Rozafa e Ramës e Ballës i bën ambjentit ku ata jetojnë, lumit Shkumbin dhe Elbasanit. Një turp ky akoma më i madh se ndotja!
Aq më tepër “Prerësi i Druve”, ose më saktë “Dru me pre” Balla, nuk ka moral të akuzojë PD-në, pasi ajo ka qenë dhe është në mbrojtje të biznesit të ndershëm. Ato që kanë falimentuar e shkatërruar biznesin sot, janë Rama, Balla & co”, shkruan Boçi.
Sipas tij, biznesi nuk është vetëm oligarki që grabit interesin publik, por “Dru me pre” Balla nuk e kupton dhe nuk do.
“Pamjet e transmetuara, janë marrë nga grykderdhja e mbetjeve ndotëse në lumin Shkumbin.
Shihet qartë katastrofa dhe vetëm verbëria e Ballës, e pushtetit, e policisë dhe e organeve ligjzbatuese nuk e sheh”, shkruan Boçi.
Postimi nga Luçiano Boçi
NUK LAHET NDOTJA ME SHARJE
PO BIZNESIT, JO NDOTJES!
Banorët e Labinotit janë në të drejtën e tyre protestuese kundër ndotjes së zonës së tyre, kundër ndotjes së lumit Shkumbin vetëm 2 km larg pompave thithëse të ujësjellësit Elbasan dhe kundër grabitjes së pronës publike e private.
Ata janë pro biznesit, punësimit e zhvillimit të zonës, por kur këto bëhen ndershmërisht dhe në bashkëpunim me komunitetin.
Askush nuk mund të shfrytëzojë “nderet” e as “punësimin”, për t’i hedhur banorët kundër njëri-tjetrit.
Sharjet e shtyra me zor, nuk lajnë dot ndotjen skandaloze që Rozafa e Ramës e Ballës i bën ambjentit ku ata jetojnë, lumit Shkumbin dhe Elbasanit.
Një turp ky akoma më i madh se ndotja!
Aq më tepër “Prerësi i Druve”, ose më saktë “Dru me pre” Balla, nuk ka moral të akuzojë PD-në, pasi ajo ka qenë dhe është në mbrojtje të biznesit të ndershëm.
Ato që kanë falimentuar e shkatërruar biznesin sot, janë Rama, Balla & co.
Biznesi nuk është vetëm oligarki që grabit interesin publik, por “Dru me pre” Balla nuk e kupton dhe nuk do.
Pamjet e transmetuara, janë marrë nga grykderdhja e mbetjeve ndotëse në lumin Shkumbin.
Shihet qartë katastrofa dhe vetëm verbëria e Ballës, e pushtetit, e policisë dhe e organeve ligjzbatuese nuk e sheh.
Vepra penale që konsumohet çdo ditë, bashkë me ndotjen, nuk fshihen as pas fustaneve, as pas brohoritjeve të dhimbshme të detyruara.
