Mbi 4 milionë persona në të gjithë Botën janë shëruar tashmë nga koronavirusi. Në bazë të dhënave të publikuara në worldometers, të shëruar nga Covid-19 rezulton të jenë 4042466 persona në të gjithë Botën, ndërsa numri i të prekurve nga koronavirusi prej fillimit të pandemisë është 7,872,684.
Nga pandemia kanë humbur jetën në total, 432475 persona.
Shteti më i prekur nga pandemia vijon të jetë SHBA ku numëron mbi 2 milion të infektuar dhe 117,527 viktima. Vendi i dytë më i goditur nga koronavirusi është Brazili ku deri më tani numërohen 850,796 të infektuar dhe 42,791 viktima.
Në vendin e tretë gjendet Rusia, me 520129 të infektuar dhe 6829 viktima.
Pandemia është zhvendosur nga Evropa dhe Kina, ndërsa situata mbetet e alarmante në Rusi, Amerikën e Jugut si dhe në Iran.
