Ministrja e Financave dhe Ekonomisë, Anila Denaj ka publikuar të dhënat e vitit 2020 sa i përket rrogës mesatare dhe numrit të papunësisë.
Sipas shifrave të publikuara, muaji maj duket se po shënon një kthesë të konsiderueshme me numrin e njerëzve që po rikthehen në vendet e punës.
Në muajin maj në ndryshim nga ata paraardhës kemi një efekt pozitiv neto të njerëzve të punësuar me 18 mijë më shumë.
109 mijë individë janë punësuar ose rikthyer në punë në periudhën Mars – Maj, ndërkohë që 136 mijë prej tyre janë larguar. Në këtë mënyrë diferenca mbetet ende negative, pro me hapjen e plotë të ekonomisë në muajin qershor priten shifra të tjera pozitive.
Ndërkohë një tjetër aspekt pozitiv, të cilën Ministria ka theksuar është vazhdimi i rritjes së pagës mesatare për 3 mujorin e parë të vitit. /scan tv/
