Lorenc Trashi është një nga lojtarët kryesorë te Partizani. Edhe është duke kaluar një sezon zhgënjyes me “Të Kuqtë”, në një intervistë të fundit ai ka deklaruar se nuk dëshiron të largohet nga skuadra dhe se do të respektojë kontratën.
Duke folur në emisionin “Fair Play” në Syri TV, 28 vjeçari ka thënë se ka edhe një vit kontratë me klubin e kuq, ndërsa nuk ka asnjë zhvillim tjetër rreth të ardhmes së tij, ku gjithçka do të vendoset pas përfundimit të kontratës.
“Unë jam në kontratë me Partizanin, kam edhe një vit kontratë me opsionin plus 1, ndaj nuk ka asgjë për të diskutuar. Çfarëdo që është folur nëpër media dhe nëpër rrjete sociale, nuk ka gjëra të vërteta. Nuk është se më ka pyetur njeri, unë jam pjesë e Partizanit dhe kur të mos jem nën kontratë me klubin atëherë do të jap edhe prononcimin tim”, deklaroi Trashi.
