E padëgjuar më parë/ Burri dekoron oborrin me mina tokësore

Secila lagje e ka një shtëpi, ku oborri është i dekoruar me shkurtabiqë, flamingo, dhe zbukurime të ndryshme për secilën sezon. Ose i doni, ose i urreni këto oborre.

Por, në Kamboxhia, një njeri dekoroi oborrin e shtëpisë me mina tokësore ende aktive.

Rreth 30 mina, së bashku më municione tjera të vjetra, rrinë të varura në pemë dhe shpërndahen në oborrin e këtij njeriu, thotë Khen Srieng, zyrtar nga Qendra e Veprimit ndaj Minave në Kamboxhia, agjencia qeveritare që mbikëqyr pastrimin e minave, shkruan News18.

Ky person jashtëzakonisht fatlum, ka punuar si deminues i paautorizuar në lagjen e tij. Është ilegale që civilët të nxirrnin minat nga fushat e orizit dhe pyjet rreth shtëpive të tyre. Shumë fshatarë në Kamboxhia e bëjnë këtë punë për të fituar pak para anash. Kështu edhe njeriu në fjalë nxori municionet me të cilat dekoroi shtëpinë. Fati, ose aftësitë e tija janë të pamohueshme, dhe autoritetet edhe pse e qortuan nuk i dhanë ndonjë dënim zyrtar për këtë dekor të posaçëm.

LEXO EDHE  ‘Financial Times’ zbulon se çfarë do të donte Rama t’i shkruhej mbi gurin e v*rrit

Në Kamboxhia ekzistojnë prej 4 deri në 6 milionë mina të paeksploduara. Ka shumë prej tyre në kufi me Tailandën, dhe këto mina janë përkujtim ende vdekjeprurës nga lufta në mes qeverisë së Kamboxhisë dhe kryengritësve Khmer Rouge nga vitet 1980 dhe 1990.

Andaj minat tokësore ende janë një realitet i hidhur për këtë shtet, i cili ka më së shumti fatkeqësi në botë për shkak të këtyre pajisjeve, ku një e treta e viktimave janë fëmijë. Ekzistojnë shtatë grupe profesionale të cilat pastrojnë tokën nga minat, por ky proces është i ngadalshëm, i shtrenjtë dhe kërkon ekip të trajnuar shumë mirë.