Një 50-vjeçar nga fshati Alarup në Pogradec, u arrestua nga policia, pasi dyshohet se ushtronte dhunë fizike dhe psikologjike ndaj nuses së djalit të tij.
“Specialistët për hetimin e krimeve në Komisariatin e Policisë Pogradec, bënë arrestimin në flagrancë të shtetasit B. M., 50 vjeç, banues në fshatin Alarup, pasi dyshohet se në banesë ka ushtruar dhunë fizike dhe psikologjike ndaj nuses së djalit të tij, shtetases R. M., 29 vjeçe”, thuhet në njoftimin e policisë.
Materialet i kaluan Prokurorisë Pranë Gjykatës së Shkallës së Parë Pogradec për veprime të mëtejshme.
