Një tërmet i fuqishëm është regjistruar sot në Japoni. Sipas të dhënave paraprake të publikuara nga EMSC, tërmeti ka qenë me magnitudë 6.7 sipas shkallës Rihter, dhe me thellësi 155 km.
Epiqendra e lëkundjeve të fuqishme sizmike ka qenë në ishujt Ryukyu, 301 kilometra në veri të qytetit Naha-shi.
Deri më tani nuk ka raportime për të lënduar apo për dëme materiale.
Sipas EMSC, nuk ka rrezik për ndonjë tsunami të mundshëm. Referuar komenteve në aplikacionin e EMSC, lëkundjet kanë zgjatur 10-15 sekonda.
Lëkundjet e fuqishme sizmike janë regjistruar rreth orës 17:51.
