Djali i legjendës së NBA, Kareem Abdul-Jabbar, është arrestuar nga policia për shkak se ka goditur me thikë fqinjin e tij në Kaliforni.
Adam abdul-jabbar, 28-vjeç, akuzohet për sulm me armë vdekjeprurëse, por fatmirësisht personi i sulmuar nuk ka marrë plagë të rënda dhe pas mjekimit të marrë gjendja e tij është e mirë.
“I dyshuari, i cili ishte fqinji i viktimës, u arrestua pa shkaktuar asnjë incident”, shprehet një zëdhënës i policisë për TMZ.
Adam u arrestua ditën e mërkurë, ndërsa u lirua disa orë më pas duke paguar 25 mijë dollarë. Hetimi për këtë ngjarje vazhdon dhe mbetet të shihet se çfarë do të zbulohet në vijim.
