Fondi i Sigurimeve të Kujdesit Shëndetësor ka hyrë në karantinë. Ditën e sotme 5 punonjës të këtij institucioni kanë rezultuar pozitivë me koronavirus.
Burime për ABC News bëjnë me dije se të gjithë punonjësit e tjerë po qëndrojnë aktualisht në shtëpi, në pritje të tamponit.
Përgjatë ditëve të fundit, shifrat e infeksioneve me koronavirus kanë ardhur në rritje duke kulmuar ditën e djeshme me 44 të prekur dhe një humbje jete.
Ajo që është evidentuar deri më tani me rritjen e rasteve të Covid-19 është numri i lartë i punonjësve të institucioneve, veçanërisht QSUT dhe FSKSH-së, që duket se janë kthyer në vatra të përhapjes së koronavirusit.
