Kryedemokrati Lulzim Basha ka zhvilluar takime me fermerët e Beratit ku ëhstë njohur nga afër me problemet dhe shqetësimet e tyre.
Në postimin e tij në Fcebook, Basha shkruan se rritja e çmimit të naftës dhe mungesa e ndihmës nga ana e qeverisë ka lënë në mëshirë të fatit fermerët në të gjithë Shqipërinë.
Sipas Bashës, Rama dhe rilindja kanë shkatërruar ekonominë dhe bujqësinë në shqipëri dhe këtë nuk kanë më me çfarë ta mbulojnë.
Ai premtoi se sappo opozita të vijë në pushtet do të ofrojë programe dhe ndihmë reale për të gjithë fermerët.
Ja postimi i Bashës:
Me fermerë të Beratit ndamë shqetësimin për vështirësitë e mëdha që po kalojnë nga kriza ekonomike dhe braktisja e qeverisë.
Prodhim i mbetur stok, çmimi i lartë i naftës dhe mungesa totale e subvencioneve janë problemet me të cilat përballen fermerët e kësaj zone.
Shqipëria është i vetmi vend i rajonit pa politika subvencionuese për sektorin bujqësor. Këtë krim mbi ekonominë mund ta bëjë vetëm një kryeministër arrogant që për 7 vjet rriti taksat dhe çmimet dhe paratë e shqiptarëve i ndau me 5 oligarkë.
RAMAVIRUSI ka shkatërruar ekonominë e fshatit dhe këtë nuk ka gënjeshtër e gënjeshtar që ta mbulojë. Zgjidhjet nuk mund të vijnë përmes imazheve të rreme por me plane konkrete.
Ne do të rikthejmë vëmendjen tek fermerët me një plan që parashikon akordinimin e subvencioneve direkte te fermeri në bazë të prodhimit, ulje të çmimit të naftës, investime në infrastrukturë dhe mbrojtje e nxitje të prodhimit vendas në tregun tonë dhe jashtë vendit.
Ne do tu japim fermerëve siguri, mbështetje dhe normalitet, dhe të gjithë shqiptarëve një qeveri normale që punon për ta, dhe jo për një grusht oligarkësh!
