VIDEO/ Aksioni i IKMT në Velipojë, përplasje të dhunshme mes policisë dhe qytetarëve

Tensione në Velipojë mes qytetarëve dhe forcave të policisë që kanë shkuar në vendngjarje në mbështetje të punonjësve të IKMT.

Pavarësisht debatit që një ditë më parë dy kyebashkiakë, Voltana Ademi e Shkodrës dhe Pjerin Ndreu i Lezhës bënë me ministrin e Brendshëm, Sandër Lleshaj për të mos prishur ndërtimet në bregdet në kohën e sezonit veror, në Velipojë ishin prezent inspektorët e IKMT.

Aty janë planifikuar për tu shembur 27 objekte, me arsyetimin se janë të paligjshme dhe deri tani është prishur vetëm një dhe një tjetër është çmontuar nga vetë pronarët.

LEXO EDHE  I dënuar me 25 vite, Genc Tafili bllokon ekstradimin drejt Shqipërisë/ Kërkon azil në Gjermani

E pranishme ishte edhe kryebashkiakja e Shkodrës, Voltana Ademi, e cila pengoi vazhdimin e aksionit, pasi kërkon nga IKMT vendimin e prishjes. Aksioni u pezullua për risur më vonë.

Nga pamjet e publikuara në media e rrjetet sociale, shihen përplasje mes forcave të policisë dhe qytetarëve. Këta të fundit vazhdojnë të kundërshtojnë shembjen e ndërtimeve.

Policia ka hedhur dhe gaz lotsjellës për të shpërndarë qytetarët.