Qeveria shqiptare ka vendosur zgjatjen e afatit të vlefshmërisë së letërnjoftimit elektronik të shtetasve shqiptarë. Të gjitha ato që skadonin brenda vitit 2020, iu zgjatet afati deri në përfundimin e gjendjes së epidemisë së shkaktuar nga përhapja e COVID-19.
Ky vendim u mor me kërkesë të ministrit të Brendshëm.
Vendimi:
Në mbështetje të nenit 101 të Kushtetutës, me propozimin e ministrit të Brendshëm, Këshilli i Ministrave
V E N D O S I:
Neni 1
Pas nenit 9/1, të ligjit nr.8952, datë 10.10.2002, “Për letërnjoftimin elektronik të shtetasve shqiptarë”, të ndryshuar, shtohet neni 9/2, me këtë përmbajtje:
“Neni 9/2
Dispozitë kalimtare
Afati i vlefshmërisë së letërnjoftimit elektronik të shtetasve shqiptarë, që përfundon brenda vitit 2020, zgjatet deri në përfundimin e gjendjes së epidemisë së shkaktuar nga përhapja e COVID-19.”.
Neni 2
Hyrja në fuqi
Ky akt normativ hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA.
