Reagon eksperti italian: OBSH gaboi me deklaratën për asimptomatikët

Walter Riccardi, pjesëtar i komitetit ekzekutiv të OBSH dhe këshilltar i ministrit italian të Shëndetësisë thotë se deklarata e OBSH, që asimptomatikët rrallë e përhapin koronavirusin, është e pabazë dhe e gabuar.

Transmetimi nga personat pa simptoma është tipike e këtij virusi dhe kjo e bën të ndryshme nga sars dhe mers, thekson Riccardi.

Këtë, sipas tij, e vërteton niveli i lartë i përhapjes; në një muaj virusi gjendej në të gjithë botën, ndërsa në rastin e pandemive të tjera janë dashur 6 muaj apo një vit. Megjithatë, eksperti kujton se kolegët e OBSH janë nën trysni të madhe dhe kërkon që pavarësisht kritikave, organizmit të mos i kursehet mbështetja.

LEXO EDHE  "Të ndërpriten pagesat për inceneratorët", Tabaku: Veliaj & co nuk po dorëzojnë dokumentet në Komision