Maurizio Sarri beson se ndeshja e kësaj të premteje e vlefshme për gjysmëfinalen e Kupës së Italisë kundër Milanit është ende e hapur, pavarësisht se bardhezinjtë mbajnë epërsinë e një goli në fushën kundërshtare pas rezultatit 1-1 në “San Siro”.
“Vijmë në këtë ndeshje të fokusuar dhe të motivuar më shumë se kurrë. Ndeshjet kundër Milanit nuk kanë qenë kurrë të lehta këtë sezon pasi ata kanë një 11-she shumë kompetitive. Nuk mund të marrim asgjë të mirëqenë pasi gjithçka është e hapur.” – ka thënë Sarri.
Juventus-Milan luhet të premten më 12 qershor në orën 21:00.
