Hoti: Nuk negociojmë shkëmbimin e territoreve

Kryeministri i Kosovës, Avdullah Hoti, ka folur për mundësinë e diskutimit të shkëmbimit të territoreve si pjesë e marrëveshjes finale me Serbinë.

Në emisionin Rubikon të Klan Kosovës, Hoti ka mohuar kategorikisht një gjë të tillë, duke thënë se nuk ka mandat për një gjë të tillë.

“Nuk dua, as nuk e përkrah dhe nuk kam mandat që të negocioj një marrëveshje për cenim të integritetit territorial të Kosovës dhe korrigjim të kufijve”, është shprehur ai.

LEXO EDHE  Bilanci ditor në Kosovë, një humbje jete dhe 720 raste të reja me koronavirus

Hoti ka folur edhe rreth heqjes së flamurit të Kosovës nga zëvendëskryeministri Goran Rakiq, duke thënë se një gjë e tillë nuk qëndron.

“Rakiq i ka të gjitha simbolet e Kosovës në zyrën e tij. Simbolet e shtetit të Kosovës janë aty ku kanë qenë”, ka thënë Hoti.