Hoffenheim-i ka bërë të ditur shkarkimin e trajnerit të tyre Alfred Schreuder.
47-vjeçari u bashkua me Hoffenheimit verën e kaluar, duke nënshkruar një marrëveshje deri në vitin 2022, por palët tani kanë vendosur të ndërpresin bashkëpunimin.
“Ne kishim pikëpamje të ndryshme për detaje të rëndësishme, kështu që një bashkëpunim përtej fundit të sezonit nuk ka më kuptim,” tha shefi i Hoffenheim Alexander Rosen në një deklaratë në faqen e internetit të klubit.
“Unë isha i vetëdijshëm që në fillim se detyra në Hoffenheim do të ishte një sfidë e madhe. Puna më ka mbushur me shumë gëzim. Falënderoj klubin që më dha mundësinë për të punuar në Bundesligën gjermane,” tha Alfred Schreuder.
Me katër ndeshje të mbetura për të luajtur këtë sezon, Hoffenheim gjendet në vendin e shtatë, dy pikë larg vendi që dërgon në kualifikime për Europa Ligë.
