Ish-deputetja e PD-së, Jorida Tabaku përmes një video në rrjetet sociale i ka kujtuar me zë dhe me figurë kryeministrit Edi Rama të gjitha premtimet që ka bërë para se të merrte pushtetin por dhe në këto 7 vite ndërkohë që sot rezultojnë të gjitha mashtrime.
Tabaku shkruan se Edi Rama ka provuar në 7 vjet që bën të kundërtën e asaj që premton dhe sot rinisi sërish avazin e premtimeve. Sipas saj, asnjë premtim apo cirk shëtitës me regji qendrore nuk e shpëton më nga ndëshkimi që shqiptarët do t`i japin me votën e tyre.
Postimi i plotë:
“Ramavirusi, gënjeshtari patologjik, që tall bizneset dhe shqiptarët”
Asnjë premtim i ri apo i vjetër nuk e shpëton dot Edi Ramën nga revolta e shqiptarëve që sot janë më të varfër se kurrë. Qytetarët me xhepa të zbrazur dhe pa asnjë mundësi për të jetuar nuk gënjehen dot sepse e kanë të qartë se ideatori dhe zbatuesi i kësaj krize është RAMAVIRUSI.
Në 7 vite qeverisje Edi Rama nuk mbajti asnjë premtim me të cilat u mori votën qytetarëve. Nuk hapi 300 mijë vende pune por largoi 300 mijë shqiptarë në emigrim.
Nuk e uli çmimin e energjisë, sot shqiptarët paguajnë çmimin më të lartë të energjisë në rajon.
Nuk e uli çmimin e naftës as për bujqesinë as për përdoruesit e tjerë, por rriti taksat dhe sot shqiptarët paguajnë më shtrenjtë se çdo vend tjetër.
Nuk i uli taksat për 90% të shqiptarëve por i rriti taksat dhe tarifat për 100% të tyre, duke u shndërruar vendi me rritjen më të madhe të taksave.
Nuk rriti pagat dhe pensionet por rriti çmimet, taksat dhe tarifat.
Edi Rama ka provuar në 7 vjet që bën të kundërtën e asaj që premton.
Sot rinisi avazin e premtimeve a thua se nuk ishte ky në pushtet tash 7 vjet.
Edi Ramës nuk i dhimbsen shqiptarët. Ai mendon vetëm si të mbrojë karrigen e tij dhe oligarkët që e mbajnë në pushtet. Asnjë shqiptar nuk e beson më Edi Ramën që në ditët më të vështira për shqiptarët bredh nëpër Europë me charter luksoz dhe të nesërmen bën premtime të ngjashme me ato të 7 viteve më parë.
Asnjë premtim apo cirk shëtitës me regji qendrore nuk e shpëton më këtë kryeministër dhe këtë qeveri nga ndëshkimi që shqiptarët do t`i japin me votën e tyre.
https://www.facebook.com/jorida.tabaku/videos/749811885777115/
