Një tjetër vatër e re me koronavirus është zbuluar në Qendrën Spitalore Nënë Tereza.
Gazetari Erjon Skëndaj, referuar burimeve, raporton për ‘BalkanWeb’, se 7 personel mjekësor te Hematologjia, në spitalin e Sëmundjeve të Brendshme, janë infektuar me koronavirus, ndërkohë që dje u tha se mes tyre dhe janë dy pacientë.
Ndërkohë, sot që kemi një rritje të rasteve të cilët po trajtohen pranë shërbimit infektiv, të cilat janë 41 raste dhe prej të cilëve 6 janë në terapi intensive dhe 2 të intubuar.
Gjatë 24 orëve të fundit u zbuluan 36 raste të reja me koronavirus, duke e çuar në 1299, numrin në total të të prekurve.
