Williams, skuderia legjendare e Formula 1, ka dalë në shitje për shkak të humbjeve që ka pasur gjatë vitit të kaluar (rreth 15 milionë euro).
Claire Williams, drejtoresha ekzekutive e makinës britanike, tha se ky veprim bëhet për t’i siguruar kësaj marke një të ardhme më të ndritur në Formula 1.
Makina Williams është krijuar nga babai i Claire, Sir Frank Williams në vitin 1977.
“E ndërmarrim këtë veprim si gjënë e duhur për një të ardhme më të mirë të kësaj marke në Formula 1. Ne duam t’i sigurojnë një të ardhme të qëndrueshme makinës Williams.”
“Mendoj se po bëjmë gjënë e duhur dhe nuk duhet parë kjo në aspektin negativ. Njerëzit te Williams janë entuziastë për të ardhmen. Ne duam të rikthehemi sërish te fitorja në pistë në të ardhmen”, tha Claire Williams.
Edhe pse një emër i madh në botën e Formula 1, Williams, prej vitit 2012 nuk ka fituar asnjë garë ndërsa titulli I fundit i skuderisë daton në vitin 1997.
