Autoritetet polake bëjnë me dije se kanë sekuestruar një sasi prej 3 tonësh kokainë të fshehura në fuçi me tul ananasi që nëse do të dilte në tregun e jashtëligjshëm do të arrinte shifrën rekord prej 760 milionë dollarësh.
Policia e konsideron këtë ngarkesë me kokainë si më të madhen që është sekuestruar ndonjëherë në vend dhe për këtë arsye ka arrestuar dhe 3 persona.
Lënda narkotike u gjet e fshehur në disa fuçi me tul ananasi në një depo në qytetin portual të Gdynia. Ajo ishte transportuar me anije në Hamburg nga Ekuadori përpara se të kapej në Gdynia.
Sipas kryeministrit Mateusz Morawiecki lënda narkotike kap një vlerë prej 760 milionë dollarësh dhe mund të ndahej në miliona doza.
Të dielën dhe autoritetet në Holandë sekuestruan një sasi prej 2 tonësh kokainë që vinte po ashtu e fshehur në një ngarkesë me banane që po ashtu vinte nga Ekuadori.
