Conor Mcgreggor dy ditë më parë me anë të një postimi në rrjetet sociale bëri të ditur se kishte hequr dorë përfundimisht nga luftimi.
Mediat në Amerikë shprehen se ky është vetëm një “truk” i irlandezit dhe mundësitë që Conor të mos ndeshet më janë shumë të pakta.
Gjithsesi nga lajmi për tërheqjen e tij nga sporti, ka reaguar kampioni i pamposhtur i boksit, Floyd Mayweather. Amerikani i bën thirrje kampionit të MMA t’i rikthehet sërish sportit dhe të zhvillojë ndeshjen e dytë mes tyre në boks.
“Nëse nuk gabohem, ti i the Mike Tyson që mund të më mundje në një ndeshje të dytë. Tani po heq dorë nga sporti! Mendova se dëshiroje të mundje më të mirin? Megjithatë, nëse vendos të rikthehesh sërish, unë do të jem duke pritur për të ndëshkuar sërish.” – ka shkruar Mayweather në një postim në “Instagram”.
