Gazetarja Eva Idrizllari në një postim në rrjetet sociale shprehet se dallimi mes politikanëve dhe intelektualëve është se këtyre të fundit iu mungon paturpësia e politikanëve imponues. Ajo shkruan se të jesh i paturpshëm duke mashtruar konsiderohet guxim prej politikani.
“Femrat nuk janë problematike. Është sistemi dhe modeli social i shoqërisë që i hedh në probleme. Varet se sa kurajo kanë ato të luftojnë për të krijuar pozicionin e tyre në shoqëri duke treguar personalitetin si femra”, shkruan Idrizllari.
Nga Eva Idrizllari
– Çfarë i mungon politikanëve shqiptarë në raport me intelektualët e heshtur?
Më drejtë do ta shtroja pyetjen se çfarë iu mungon intelektualëve të heshtur në raport me politikanët e zëshëm. Iu mungon paturpësia e politikanëve imponues. Të jesh i paturpshëm duke mashtruar konsiderohet guxim prej politikani.
– Pse qëndroni larg politikës?
Si gazetare e kam të pamundur t’i qëndroj larg politikës. Por vetem si #oponente e saj. Sikundër edhe respektoj njerëzit e pergjegjshem të politikës që janë një pakicë që luftohen fort brenda llojit.
Cilat janë problemet e femrës shqiptare sot?
Çdonjëra ka një problem të sajin. Femrat nuk janë problematike. Është sistemi dhe modeli social i shoqërisë që i hedh në probleme. Varet se sa kurajo kanë ato të luftojnë për të krijuar pozicionin e tyre në shoqëri duke treguar personalitetin si femra.
