Van der Vart formon 11-en më të mirë me ish-shokët e skuadrës, lë jashtë një kampion të madh!

Rafael van der Vaart ka zgjedhur Top 11-n e tij më të mirë që përfshin lojtarë që kanë luajtur me të përgjatë karrierës së tij futbollistike.

Ashtu siç raporton e përditshmja britanike “The Sun”, ish-mesfushori holandez ka përjashtuar Zlatan Ibrahimovic në skuadrën e tij me të cilin ka luajtur te Ajaksi, ndërsa në vendin e tij ka zgjedhur Peter Crouch i cili formon dyshen e sulmit së bashku me Cristiano Ronaldon.

Skuadra e zgjedhur nga Van der Vaart

Van der Sar në portë. Ramos, King, Chivu dhe Marcelo në mbrojtje. Bale, Robben, Modric dhe Guti në mesfushë. Cristiano Ronaldo dhe surpriza Peter Crouch në sulm.

LEXO EDHE  Bayern Munich fiton Kupën e Gjermanisë, Lewandowski nuk ndalet së shënuari

Këtë formacion ai e ka formuar gjatë një bisede së bashku me Peter Crouch dhe praninë e anglezit në formacion ai e ka argumentuar:

“Të kam zgjedhur sepse më duhej një tip simpatik në skuadër”, i ka thënë holandezi Crouch-it duke qeshur. Më pas ka shpjeguar: “E mban mend stërvitjen tonë të parë? Të gjithë e dimë sa i gjatë je, por askush nuk mund ta imagjinonte sa i aftë ishe me këmbët”.

“Kjo karakteristikë më ka befasuar shumë. Më pas, në gjashtë golat e mi të parë, nëse nuk gaboj, të gjithë asistet kanë ardhur nga ti. Ja pse të kam zgjedhur”.