Protesta dhe në Sarandë e Korçë pas abuzimit me të miturën: Forconi dënimin për përdhunuesit!
Abuzimi seksual me të miturën në Babrru, nga roja i shkollës ku mësonte, ka sjellë reagime të forta qytetare dhe protesta jo vetëm në Tiranë.
Qytetarët kanë dënuar me forcë dhe kanë marshuar kundër këtyre fenomeneve, në Korçë e Sarandë. Ata kërkojnë forcimin e dënimit për abuzuesit.
Në Korçë, në sheshin e qytetit kanë dalë në protestë gra dhe vajza që mbajnë në duar pankarta.
Motoja është njësoj si në Tiranë “Për Fëmijërinë e Vjedhur”.
Në formën e një marshimi edhe nga “Sheshi Nënë Tereza” i Sarandës kanë marshuar sot nëna me fëmijë, të rinj e të reja, politikanë për t’i thënë “Stop abuzimit, për fëmijërinë e humbur, për jetën…”
