Komisioni i Disiplinës pranë FSHF, ka publikuar vendimet e marra pas javës së 27-të të Kategorisë Superiore të cilat u zhvilluan ditën e mërkurë.
Kështu i vetmi që e ka pësuar është presidenti i Laçit, Pashk Laska. Ky i fundit është dënuar me 8 ndeshje pezullim për sjellje të gabuar ndaj gjyqtarëve të ndeshjes. Skuadra e tij barazoi me rezultatin 1-1 në shtëpi kundër Teutës dhe Laska nuk ishte i kënaqur me disa nga vendimet e arbitrit.
Njoftimi i FSHF-së:
- Zyrtari i KF Laçi, Pashk Laska, për sjellje të gabuar ndaj zyrtarit të ndeshjes, në bazë të nenit 48/2/a.të KDS, dënohet me 8 (tetë) ndeshje pezullim nga aktiviteti. Në zbatim të nenit 19 të KDS, zyrtarit i ndalohet hyrja dhe qëndrimi në dhomat e zhveshjes, stolin e rezervave dhe territorin përreth fushës.
- Në zbatim të nenit 32 të KDS, pezullimin e pjesshëm te ekzekutimit të dënimit duke shlyer detyrimisht gjysmën e duke vendosur zyrtarin ne provë për një periudhë 6 (gjashtë) mujore.
- Kundër vendimit lejohet ankim brenda 3 (tre) ditëve përpara Komisionit të Apelit.