Një paciente 85-vjeçare, H.K, e cila po trajtohej në spitalin Infektiv në Tiranë, pasi ishte prekur nga koronavirusi humbi jetën mbrëmjen e sotme.
Sipas Ministrisë së Shëndetësisë, pacientja vuante nga sëmundje bashkëshoqëruese si insufiçiencë kardiake kronike, fibrilacion atrial dhe hipertensioni.
Zyrtarisht Ministria e Shëndetësisë bëri të ditur se pacientja ka humbur jetën si pasojë e dekompensimit progresiv kardiak dhe pulmonar fatal.
Pacientja ishte diagnostikuar si e prekur nga Covid-19.
Ajo është viktima e 34 e shkaktuar nga koronavirusi në Shqipëri.
Njoftimi:
COVID19, Ministria e Shëndetësisë
Ndërron jetë në spitalin infektiv 85-vjeçarja me COVID19, kishte sëmundje bashkëshoqëruese
Mbrëmjen e sotme ka ndërruar jetë në spitalin Infektiv një paciente 85-vjeçare nga Tirana, e konfirmuar me COVID-19. E moshuara e cila vuante nga insuficiencë kardiake kronike, fibrillacion atrial dhe hipertension, referuar shërbimit infektiv, ndërroi jetë si pasojë e dekompensimit progresiv kardiak dhe pulmonar fatal nga COVID19.
85-vjeçarja me inicialet H.K, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.
85-vjeçarja është viktima e 34 e COVID-19 në Shqipëri.
Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, të shmangin grumbullimet dhe të ruajnë higjienën vetjake, për të mbrojtur veten dhe të tjerët.
